La CNT condena rotundamente la decisión del Gobiernu de Pedro Sánchez que llexitima la invasión del Sáhara Occidental per parte del Estáu marroquí.
El sindicatu CNT espresa la so más fondera condena de la decisión del gobiernu de Pedro Sánchez que llexitima la invasión pel estáu marroquí del Sáhara Occidental y les graves violaciones de los Derechos Humanos nel Sáhara ocupáu per una dictadura, como la del rei de Marruecos.
Consideramos que les declaraciones del gobiernu y del PSOE, sofitando les tesis de Mohamed VI, arrenunciando al drechu l’autodeterminación del pueblu saharagüi, non yá son contraries al drechu internacional, sinón que resulten vergonzoses, indignantes y fondamente inmorales. Con esta postura, Pedro Sánchez conviertese en cómplice de la política d’una brutal dictadura y corresponsable coles consecuencies de la guerra del Sáhara. Una guerra que njn solo causa muertos, sinón condiciones infames a la población, xuntu cola represión, encarcelamientu y tortura de les voces disidentes.
Tenemos de recordar qu’España ye entá la potencia alministradora del Sáhara Occidental y qu’incumple el drechu internacional al non descolonizarlo. Per otru llau, resulta un insultu a la intelixencia l’usu de criterios distintos con al respective de los Derechos Humanos dependiendo de si’l gobiernu d’un país ye aliáu o non de los Estaos Xuníos. Si tamos toes d’alcuerdu en que Putin ye un déspota y que la invasión d’Ucrania ye un actu criminal, nun lo ye menos la invasión del Sáhara. Tampoco ye menos dictador Mohamed VI, qu’otru, namá pol fechu de ser aliáu de la OTAN. Mandamos un mensaxe d’ánimu a tola población saharagüi de los campamentos, de los territorios ocupaos y de la diáspora. Repitimos el nuesu sofitu a toles persones abelugaes, ensin distinción.
Tamién mandamos el nuesu mensaxe d’ánimu a les compañeres y compañeros que sufren nes cárceles de Marruecos (saharauis, rifeños, presos políticos… ) y esiximos la so inmediata lliberación, la retirada de les tropes d’ocupación y el cumplimientu de la llegalidá internacional per parte del gobiernu d’España, descolonizando d’una vegada por toes el Sáhara Occidental. El pueblu saharagüi cuenta y va cuntar siempres con tou’l nuesu sofitu.
¡Embaxo les invasiones y muries imperialistes!
¡Descolonización yá! ¡Sahara llibre!