1°MAYU 2023 CNT ASTURIES-LLEÓN
📌 12:00 Manifestación | Casa Sindical | Xixón
📌 12:00 Concentración | Puerta Castillo | León
📌 15:00 Comida | Casa’l Pueblu | Candás
📌 18:00 Ofrenda a les luchadores pola causa proletaria | Acantilau del faru | Candás
UN PUEBLU INSUMISU PA UN MUNDU LLIBRE
Un pueblu insumisu, un pueblu que desobedez y resiste. Un pueblu que llucha polos sos drechos, un pueblu con alma colectiva, que nun se dexa estrapayar. Un pueblu dignu y solidariu, que cuida, arropa y acuerpa, que nun dexa a naide atrás. Un pueblu que enxamás va a dexar soles a les seis compañeres de la suiza, porque sabe que ye lo meyor que tien, exemplu y arguyu. Un pueblu que nun conoz llendes nin fronteres, onde nadie que vien a trabayar ye foriatu. Un pueblu que construye de baxo p’arriba, que se trata d’igual a igual, sin dirixentes nin dirixíos. Que enconta hombru con hombru, un pueblu onde atopen les manes, manes y los pies, pies; marchando a la emancipación total. Un pueblu que nagua y llucha por un mundu llibre.
Y pa texer esi pueblu unes organizaciones onde nun se manda, onde nun s’obedez, onde nun s’aspira a gobernar nin a dexase gobernar por otros. Organizaciones por fuercia horizontales, asamblearies, autoxestionaes, sin subvenciones nin lliberaos. Sin aparatu, nin dinosaurios, nin aspirantes a dinosauriu.
Y eses organizaciones cola ferramienta engrasao, llistes pa salir a la cai y ponelo too pates p’arriba. Llistes a socializar los conflictos, a llamar a la güelga, a llamar al boicot, a practicar el sabatoxe.
Y llueu yá falamos d’unidá o vémonos na cai que, a la postre, ye lo que cuenta.
¡Puxa’l 1u mayu y puxa la llucha del pueblu trabayador!